Паводле дадзеных ГА «Беларуская асацыяцыя журналістаў» (БАЖ) і іншых незалежных маніторцаў, з 9 жніўня 2020 года па сённяшні дзень у Беларусі было здзейснена больш як 280 нападаў на супрацоўнікаў СМІ і журналістаў-фрылансераў.
Больш як 100 журналістаў былі арыштаваныя.
Больш за 50 пацярпелі ад фізічнага гвалту (збіццё падчас затрымання або ў ізалятарах часовага утрымання, раненні і траўмы).
Першачарговая задача СМІ – асаятляць любыя падзеі ў краіне. Аднак сёння ў Беларусі выкананне місіі СМІ робіцца небяспечным.
Праваабарончая ініцыятыва «Журналісты за талерантнасць» заклікае да неадкладнага спынення ціску і застасавання фізічнай сілы ў дачыненні да журналістаў, а таксама да спынення перашкодаў выкананню прафесійных абавязкаў прадстаўнікамі медыйнай супольнасці. Заклікаем да бесстаронняга расследавання, калі неабходна, пад эгідай Рады па правах чалавека ААН кожнага выпадку парушэння правоў і свабодаў журналістаў у Рэспубліцы Беларусь у 2020 годзе.
Праваабарончая ініцыятыва «Журналісты за талерантнасць» выказвае сваю салідарнасць з усімі журналістамі і іншымі работнікамі СМІ, якія зазналі пераслед за сваю прафесійную дзейнасць у Беларусі ў 2020 годзе. Адмысловую падтрымку выказваем пацярпелым прадстаўнікам журналісцкай супольнасці, якія належаць да разнастайных уразлівых групаў.
Праваабарончая ініцыятыва «Журналісты за талерантнасць»