Ў гэтым годзе мы атрымалі 51 працу ад 23 аўтараў і аўтарак якія працуюць з тэмай недыскрымінацыі і інклюзіі. Прадстаўнікі 19 грамадскіх арганізацый прагаласавалі за медыя, якое на іх думку, зрабіла значны ўнёсак у абарону ўразлівых групаў.
Рэдакцыя года — партал Kyky.org за серыю матэрыялаў пра харасмент у ЕГУ.
Пераможца вызначаны метадам галасавання сярод праваабарончых НДА, якія працуюць з уразлівымі групамі насельніцтва.
Персона года — праваабаронца Наста Лойка, за ўнёсак у барацьбу з мовай варожасці ў Беларусі. За сваю дзейнаць Наста была асуджана на 7 гадоў агульнага рэжыму.
Лаўрэата вызначылі сябры ініцыятывы “Журналісты за талерантнасць”.
У намінацыі «Матэрыял на тэматыку роўнасці і недыскрымінацыі ўразлівых груп» мы атрымалі 51 працу. Сярод іх большасць была пра ЛГБТК-супольнасць — 19 тэкстаў. 10 матэр’ялаў пра людзей з інваліднасцю, 8 на тэму гендарнай роўнасці, 4 пра мігрантаў, 3 пра чаілдфрі, 3 пра дыскрымінацыю паводле палітычных поглядаў, 2 пра моўныя меншасці і 2 на тэму інклюзіі. Прызавыя месцы размеркаваліся наступным чынам:
1 месца — Саша Камко (іншыЯ) з матэрыялам: «Як арганізаваць мерапрыемства, на якое прыйдуць людзі са слабым зрокам і невідучыя»
2 месца — Ірына Новік (Hrodna Life) з серыяй матэрыялаў пра гвалт у адносінах да жанчын у Беларусі.
- «Таму што жанчына». У 2022-м кожная другая беларуска цярпела ад гвалту
- «Давай ты не будзеш працаваць». Як «традыцыі» і «каштоўнасці» прыводзяць беларусак у сітуацыю эканамічнага гвалту
- «З асаблівай жорсткасцю». Чаму беларусак б’юць і забіваюць — мужы, сужыхары, сваякі і сябры
3 месца — Надзея Літвіна (ЕЎРАРАДЫЁ)— з матэрыялам пад назвай «Новы пашпарт са старым нумарам — як кляймо»: як жывуць транс-персоны ў Беларусі»
Пераможцу вызначыла журы, у склад якой увайшлі: Марына Загорская, Алена Якжык, Васіль Ядчанка, Алег Ражкоў.
Шчыра віншуем пераможцаў!