Ў гэтым годзе ў намінацыі “Матэрыял на тэматыку роўнасці і недыскрымінацыі ўразлівых груп” мы атрымалі 69 прац, а на рэдакцыю года былі вылучаны 9 рэдакцый.
Каманда года — ІншыЯ. За актыўную працу па наладжванні сувязяў паміж НДА і медыя, а таксама медыяпрацу як платформы для аўтараў і aўтарак, якія пішуць пра ўразлівыя групы.
Каманду вызначылі сябр:оўкі ініцыятывы “Журналісты за талерантнасць”.
Рэдакцыя года — ДазХіп. Беларускае медыя пра гендар і сэксуальнасць, створанае беларускімі квір-актывістамі для ЛГБТК+ супольнасці ў Беларусі і за яе межамі.
Пераможца вызначаны метадам галасавання сярод праваабарончых НДА, якія працуюць з уразлівымі групамі.
У намінацыі «Матэрыял на тэматыку роўнасці і недыскрымінацыі ўразлівых груп» мы атрымалі заяўкі ад 31 асобы. Варта адзначыць, што ў 2024 годзе было ў 3 разы больш аўтарак ды аўтараў пад псеўданімамі ў параўнанні з папярэднім годам.
Сярод тэм на першым месцы ідуць артыкулы пра ЛГБТК-супольнасць, на другім – тэма вымушанай міграцыі, на трэцім – гендарная роўнасць.
У гэтым годзе мы вырашылі даваць два тыпа ўзнагарод: узнагароды за першае месца і за выхад у фінал.
1 месца – Аляксей Гуліцкі (ІншыЯ) з матэрыялам «Пра нас шмат выдумляюць і пляткараць, але ніхто не жадае з намі пазнаёміцца». Гісторыя рaма́-актывісткі Расмы
Фіналісткі
- Вера Белацаркоўская (Наша Ніва) з матэрыялам «Зачыніш дзверы і пацалуеш яе, бо ёсць такая магчымасць». Як жанчыны кахаюць жанчын у калоніі
- Марына Міхайлава (Салідарнасць) з матэрыялам Олег Рожков: «Установка, что беларусы толерантные, нам очень сильно вредит как нации»
- Ірына Арахоўская і Вольга Бубіч (HUKANNE) за серыю ілюстрацый і тэкст Па кім маўчыць Аўшвіц
Пераможцу вызначыла журы, у склад якой увайшлі: Марына Загорская, Алена Якжык, Васіль Ядчанка, Алег Ражкоў. Да адбору на стадыі шорт-ліста была прыцягнутая дадатковая чаліня журы Іра Новік. Ацэнкі выстаўляліся па 10 бальнай сістэме па 6 крытэрыях. У выпадку канфлікту інтарэсаў члены журы бралі самаадвод.